گورازدے میں فلسطینیوں کی حمایت میں ریلی

گورازدے میں فلسطینیوں کی حمایت میں ریلی: بچوں پر بمباری دفاع کے ذمرے میں نہیں  آتا۔

گزشتہ روز بوسنیا اور ہرزیگووینا کے شہر گورازدے  میں عالیہ عزت بیگوویچ  پل پر فلسطینی عوام کی حمایت میں ایک ریلی نکالی گئی۔

ریلی کے شرکاء نے جنگ اور بچوں کے قتل کو فوری طور پر ختم کرنے اور اسرائیل کو اس کے ماضی کے جرائم کی سزا دینے کا مطالبہ کیا۔

ریلی کے منتظم اور بوسنیا اور ہرزیگوینا کی اسمبلی کے گورازدے کینٹن کے رکن ڈیزبریل بجراموویچ نے کہا: "میں چاہتا ہوں کہ فلسطینی عوام اور دنیا بھر میں دہشت گردی کے شکار اور متاثر ہونے والوں کو درپیش تمام مشکلات کا فوری طور پر خاتمہ کیا جانا چاہیے ۔  غزہ میں جو کچھ ہو رہا ہے وہ محض اتفاق نہیں ہے۔ پچھتر سالوں سے غزہ دنیا کا سب سے  بڑا  حراستی کیمپوںوالا شہر بن چکا ہے۔

فلسطینی سفیر رزاق نمورا نے ریلی کے شرکاء کو فلسطینی عوام کی جانب سے مبارکباد پیش کی اور بوسنیا اور ہرزیگووینا کے شہریوں اور پوری دنیا کی حمایت پر فخر اور تشکر کا اظہار کیا۔

شہریوں کی جانب سے لگائے گئے بینرز پر ’بچوں پر بمباری کرنا اپنا دفاع نہیں‘، ’بچوں کو مارنے کا کوئی بہانہ نہیں، یہ نسل کشی ہے!‘، ’فلسطین آزاد ہوگاکے پوسٹر اتھا رکھے تھے۔

حماس کے عسکری ونگ، قسام بریگیڈز نے اعلان کیا کہ اس نے 7 اکتوبر کو اسرائیل پر "طوفانِ اقصیٰ  کے نام سے  بڑے پیامنے پر حملہ کیا تھا۔

اس کے جواب میں اسرائیلی فوج نے اعلان کیا کہ اس نے جنگی طیاروں سے غزہ کی پٹی کے خلاف آہنی تلواروں کا آپریشن شروع کیا ہے۔

غزہ میں فلسطینی وزارت صحت نے بتایا کہ اسرائیلی حملوں میں 8,796 فلسطینی جن میں 3,648 بچے اور 2,290 خواتین شامل ہیں، شہید اور 22,219 زخمی ہوئے ہیں ۔