اسرائیل کی طرف سے غزہ پر فضائی حملے
آپریشن میں حماس کے فوجی مراکز ، زیرِ زمین انفراسٹرکچر ، راکٹوں جیسے جنگی سامان کے پیداواری مراکز اور حماس بحریہ کے تعلیمی و تربیتی مرکز کو نشانہ بنایا گیا ہے: اسرائیل
1532046
![اسرائیل کی طرف سے غزہ پر فضائی حملے](http://cdn.trt.net.tr/images/xlarge/rectangle/65b4/8df4/a5d2/5fba276231c76.jpg?time=1718912427)
اسرائیل کی فوج نے فضائی آپریشن کے ساتھ زیر محاصرہ غزہ میں حماس کے متعدد ٹھکانوں کو نشانہ بنانے کا اعلان کیا ہے۔
اسرائیلی فوج کی طرف سے جاری کردہ بیان کے مطابق آپریشن میں حماس کے فوجی مراکز ، زیرِ زمین انفراسٹرکچر ، راکٹوں جیسے جنگی سامان کے پیداواری مراکز اور حماس بحریہ کے تعلیمی و تربیتی مرکز کو نشانہ بنایا گیا ہے۔
بیان میں مزید کہا گیا ہے کہ یہ آپریشن رات کے وقت غزہ سے اسرائیل کی طرف پھینکے گئے راکٹ کے جواب میں کیا گیا ہے۔
اسرائیل کے فضائی حملوں سے متعلق غزہ کے حکام کی طرف سے تاحال کوئی بیان جاری نہیں کیا گیا۔