مقبوضہ بیت المقدس: اسرائیلی فوج کی فائرنگ ،1 فلسطینی شہید

مقبوضہ بیت المقدس میں اسرائیلی پولیس نے ایک فلسطینی نوجوان پر فائرنگ کرکے اسے شہید اور دوسرے کو زخمی کردیا۔

قابض فوج نے حسب معمول فلسطینیوں پر پولیس اہلکاروں پرچاقو سے حملے کی منصوبہ بندی کا ڈرامہ رچایا ہے۔

اسرائیلی پولیس کی طرف سے جاری ایک بیان میں کہا گیا ہے کہ  پرانےبیت المقدس میں دو فلسطینیوں کو پولیس چاقو سے حملے کی کوشش کے دوران گولیاں ماری گئیں جس کے نتیجے میں ایک فلسطینی موقع پرہی جاں بحق اور دوسرا شدید زخمی ہوگیا۔

فلسطینی ہلال احمر کا بھی کہنا ہے کہ   اسرائیلی پولیس کی فائرنگ سے اسلامی اوقاف کا ایک محافظ بھی زخمی ہوا ہے جسے علاج کے لیے اسپتال منتقل کیا گیا ہے۔

 واضح رہے کہ یہ واقعہ ایک ایسے وقت میں پیش آیا ہے جب چند روز پیشتر مسجد اقصیٰ میں فلسطینی نمازیوں اور اسرائیلی  فوجیوں  کےدرمیان سخت کشیدگی دیکھی گئی تھی۔