اسرائیلی فوجیوں نے فلسطینیوں کے پرائمری اسکول میں آنسو گیس بم پھینک دیا

اسرائیلی فوجیوں کی طرف سے مقبوضہ دریائے اردن کے کنارے کے جنوب میں فلسطینیوں کے اسکول میں پھینکے گئے آنسو گیس  بم کے نتیجے میں بیسیوں بچے متاثر ہوئے ہیں۔

عینی شاہدوں سے موصول معلومات کے مطابق اسرائیلی فوجیوں نے صبح کے وقت دریائے اردن کے جنوبی شہر الخلیل  میں واقع ایک پرائمری اسکول  کے باغیچے میں آنسو گیس بم پھینکا۔

آنسو گیس  بم کی وجہ سے بیسیوں بچوں اور اساتذہ کو سانس لینے میں دشواری کا سامنا ہوا ور دم گھٹنے کی وجہ سے موت کے خطرے کا سامنا کرنے والے بچوں کو ہسپتال میں داخل کروا دیا گیا ہے۔

اسرائیلی اور فلسطینی حکام کی طرف سے، فوجیوں کے پرائمری اسکول میں آنسو گیس بم پھینکنے کی وجہ سے متعلق، تاحال کوئی بیان جاری نہیں کیا گیا۔