اسرائیل نے رات بھر غزہ پر فضائی حملے کیے
اسرائیلی لڑاکا طیاروں اور ہیلی کاپٹروں نے غزہ میں حماس کے 80 اہداف کو نشانہ بنایا
اسرائیل نے کل شام سے زیر محاصرہ غزہ کی پٹی سے اسرائیل کی حدود میں راکٹ داغے جانے کے جواز میں غزہ کے بعض مقامات پر فضائی حملے کیے۔
اسرائیلی فوج کی جانب سے جاری کردہ اعلامیہ میں واضح کیا گیا ہے کہ اسرائیلی لڑاکا طیاروں اور ہیلی کاپٹروں نے غزہ میں حماس کے 80 اہداف کو نشانہ بنایا ہے۔
اعلامیہ میں یہ بھی کہا گیا ہے کہ کل شام سے غزہ سے اسرائیل کی سرحدوں کے اندر 30 راکٹ داغے گئے جن میں سے 10 کو آئرن ڈوم دفاعی نظام کی مدد سے ناکارہ بنا دیا گیا جبکہ باقی ماندہ راکٹوں کی اکثریت خالی اراضی پر آن گری۔
غزہ کی وزارت صحت کے ترجمان اشرف القدرہ نے اپنے اعلان میں کہا ہے کہ اسرائیل کے حملے سے ایک اسپتال کو نقصان پہنچا ہے۔
اس حملے کی مذمت کرنے والے القدرہ نے بین الاقوامی تنظیموں سے اپیل کی ہے کہ یہ غزہ کے اسپتالوں اور طبی عملے کو تحفظ فراہم کرنے کی کوششیں کریں۔
غزہ کے فلسطینی طبی ذرائع نے اطلاع دی ہے کہ اسرائیل کے بم حملوں میں اب تک کسی جانی نقصان کی کوئی خبر نہیں ہے۔
غزہ کی اسلامی جہاد تحریک کا کہنا ہے کہ اسرائیل کے معصوم انسانوں کا قتل کرنے کے سامنے مزاحمتی گروپ ہاتھ باندھے نہیں بیٹھیں گے۔
دریں اثناء غزہ کی سرحدوں پر کل ہونے والے پر امن مظاہروں میں اسرائیل کی مداخلت سے 5 فلسطینی شہید جبکہ بچوں کی اکثریت سمیت 180 افراد زخمی ہو گئے تھے۔
متعللقہ خبریں
حوثی: 3 بحری جہازوں پر بیلسٹک اور ڈرون حملہ کیا گیا ہے
حملے، فلسطین میں درپیش حالات اور امریکہ اور برطانیہ کے یمن پر حملوں کے جواب میں کئے گئے ہیں: حوثی