یمن: کیمروں کی تنصیب کا معاملہ جھڑپوں کا باعث بن گیا،متعدد افراد ہلاک و زخمی

یمن کے دارالحکومت صنعاء میں معزول صدر علی عبداللہ صالح کے وفاداروں اور حوثی ملیشیا کے مسلح جنگجوؤں کے درمیان دو مختلف مقامات پر لڑائی چھڑ گئی ہے۔

خبر کےمطابق ، صنعا ء کے جنوب میں واقع مسجد الصالح میں علی صالح کے حامیوں اور حوثیوں کے درمیان کیمروں کی تنصیب کے تنازع پر جھڑپیں شروع ہوئی تھیں اور یہ دارالحکومت کے دوسرے علاقوں تک بھی پھیل گئی ہیں ۔

مزید  بتایا  گیا ہے کہ یہ جھڑپیں کئی گھنٹے تک جاری ر ہیں اور ان میں طرفین کے متعدد افراد ہلاک اور زخمی ہوگئے ہیں۔

 علاقے میں وقفے وقفے سے جھڑپوں کا سلسلہ جاری ہے اور علاقے کی شاہراہیں بند کردی گئی ہیں جبکہ مصالحت کار صورت حال کو قابو میں رکھنے کے لیے فریقین سے بات چیت کررہے ہیں۔