مصری فوج کی شمالی سینا میں کاروائی، 59 دہشت گرد ہلاک

مصری فوج نے شمالی سینا میں مسلح گروپوں کیخلاف کاروائیوں کے دوران 59 دہشت گردوں کو ہلاک کر دیا ہے لیکن ان کاروائیوں میں سات فوجی بھی ہلاک ہو گئے ہیں ۔
فوج کیطرف سے جاری اعلان میں بتایا گیا ہے کہ فوج نے کاروائی میں دہشت گردوں کے اسلحے کے دو ڈپووں ،تین گاڑیوں اور چار موٹر سائیکلوں کو تباہ کر دیا ہے ۔ داعش کی ایک شاخ سینا ولایت نامی تنظیم نے ہفتے کے روز شمالی سینا کے زوویدی کے علاقے میں ایک فوجی کنٹرول چوکی پر حملہ کرتے ہوئے پانچ فوجیوں کوہلاک اور متعدد کو زخمی کر دیا تھا ۔ اس حملے کے بعد مصری فوج نے علاقےمیں وسیع پیمانے پر فوجی کاروائی کا آغاز کر دیا ہے ۔