دہشت گردی کے خاتمے کے لیے ترکی کی کوششیں قابل تحسین ہیں

شمال عراق کی علاقائی کردی انتطامیہ کے محمور اور گوور کے کمانڈر سروان برزانی نے کہا ہے کہ ترکی کے صدر رجب طیب ایردوان اور حکومت ترکی نے کردی مسئلے کے حل کے لیے جو اقدامات کیے ہیں وہ قابل تحسین ہیں ۔
انھوں نے عربل کے قریب ایک فوجی کیمپ میں بیان دیتے ہوئے علاقے میں دہشت گردی کے خاتمے کے لیے ترکی کی کوششوں کی تعریف کرتے ہوئے کہا کہ ترکی نے ہماری ہر ممکنہ مدد کی ہے اور ہم اس امداد کیوجہ سے ترکی کے شکر گزار ہیں ۔ترکی میں صدر ایردوان کی زیر قیادت حالیہ دس برسوں میں 30 برسوں میں اٹھائے نہ جا سکنے والے انتہائی اہم قدم اٹھائے گئے ہیں ۔