امریکہ کا ایک ائیر پورٹ افسانوی باکسر محمد علی کے نام سے پہچانا جائے گا

امریکہ کے شہر کینٹکی  کے لوئی ویل  ائیر پورٹ کا نام تبدیل کر کے "لوئی ویل محمد علی انٹرنیشنل ائیر پورٹ " رکھ دیا گیا۔

اطلاع کے مطابق کینٹکی کے  لوئی ویل  انٹرنیشنل ائیر پورٹ کی انتظامی کمیٹی نے کل منعقدہ اجلاس میں ائیر پورٹ کا نام تبدیل کر کے "لوئی ویل محمد علی انٹرنیشنل ائیر پورٹ " رکھنے کا فیصلہ کیا ہے ۔

محمد علی کی اہلیہ لونی علی نے جاری کردہ بیان میں کہا ہے کہ ائیر پورٹ کے نام کی تبدیلی ان کے لئے باعث فخر چیز ہے۔

لونی نے کہا کہ ایک عالمی شہری ہونے کے باوجود علی نے اپنے ملک کو کبھی فراموش نہیں کیا۔

واضح رہے کہ محمد علی 17 جنوری 1942 کو لوئی ویل میں ایک ایسے دور میں دنیا میں آئے کہ جب   نسلیت پرستی اپنے عروج پر تھی۔

1964 میں صرف 22 سال کی عمر میں وہ سونی لِسن کو شکست دے کر ہیوی ویٹ چیمپئن بن گے ۔ اس فتح کے بعد انہوں نے اسلام کو اپنے دین کے طور پر منتخب کیا اور اپنا نام  'کیشس مرسلس کلے' سے تبدیل کر کے محمد علی رکھنے کا اعلان کیا۔

ایک طویل علالت کے بعد سانس میں دشواری کی وجہ سے آریزون کے شہر فونیکس کے ہسپتال میں 74 سال کی عمر میں 3 جون 2016 کو وفات پا گئے۔