نیپال میں پھر زلزلے کے جھٹکے

نیپال میں ابھی 25 اپریل کو آنیوالے تباہ کن زلزلے کا خوف کٹھمنڈو کے باسیوں کے دلوں سے نکلا نہیں تھا کہ ایک بار پھر دنیا کے بلند ترین پہاڑ ماونٹ ایورسٹ کے قریب 7.4 شدت کا شدید زلزلہ آیا ہے.
امریکی محکمہ ارضیات کے مطابق، اس زلزلے کا مرکز چین کی سرحد کے قریب بتایا گیا ہے۔
اس سے قبل آنے والے زلزلے کے نتیجے میں 8000 سے زائد افراد ہلاک اور 17860 افراد زٰخمی ہوگئے تھے جبکہ لاکھوں گھر بھی تباہ ہوگئے تھے.
دارالحکومت کٹھمنڈو میں نیپالی باشندے زلزلے کی وجہ سے خوف کے عالم میں گھروں سے باہر آگئے.
زلزلے کی شدت اس قدر زیادہ تھی کہ اس کے جھٹکے شمالی بھارت تک محسوس کئے گئے ہیں.
بھارتی دارالحکومت نئی دہلی میں بھی لوگ گھروں اور دفاتر سے باہر آنے پر مجبور ہوگئے ہیں.
تاحال کسی جانی یا مالی نقصان کی اطلاع نہیں ملی ہے۔