بھارتی اداکارششی کپور 79 سال کی عمر میں انتقال کر گئے

بھارتی فلم انڈسٹری کے سابق اسٹار ششی کپور 79 سال  کی عمر میں انتقال کر گئے ہیں۔

 کپور خاندان کے مطابق ،ششی کپور طویل عرصے سے علیل تھے۔

ششی کپور کے بھتیجے رندھیر کپور نے بتایا کہ متعدد ایوارڈز حاصل کرنے والے ششی کپور کا انتقال ممبئی کے ایک ہسپتال میں گزشتہ  شام ہوا۔

 رندھیر کپور کا کہنا تھا   کہ  اُنہیں گزشتہ کئی  سالوں سے گردوں کی شدید تکلیف کا سامنا تھا۔ پرتھوی راج کپور کے سب سے چھوٹے ششی کپور نے 150 سے زائد بھارتی فلموں میں کام کیا۔