محمد صلی اللہ علیہ وآلہ وسلم : اللہ کے سفیر

حضرت  محمد صلی اللہ علیہ وآلہ وسلم کے بچپن کے بیان پر مبنی "محمد صلی اللہ علیہ وآلہ وسلم : اللہ کے سفیر" نامی فلم آج نمائش کے لئے پیش کی جا رہی ہے۔

فلم کا سیناریو ایرانی ہدایتکار ماجد ماجدی  نے  لکھا ہے  اور فلم کی ہدایتکاری بھی انہوں نے ہی کی ہے۔

فلم حضرت محمد صلی اللہ علیہ وآلہ وسلم کی حیات مبارکہ کے ایک حصے کو بیان کرتی ہے اور اس میں پیغمبرِ اسلام کی ولادت سے لے کر 12 سال کی عمر تک کے دور کو اور ان سالوں میں مکّے کے حالات و واقعات کو موضوع بنایا گیا ہے۔

آپ صلی اللہ علیہ وآلہ وسلم کی حیات مبارکہ پر زندگی اور انسانیت کے نقطہ نظر سے بنائی گئی فلم "پکار" کے بعد توقع ہے کہ 2015 میں مکمل ہونے والی یہ فلم  عالمِ اسلام پر روشنی ڈالے گی۔

فلم کے کرداروں میں سارہ بایات، محسن طنابندے،  راعنا آزادی ور، علی رضاشجاع نوری  اور مینا ساداتی شامل ہیں۔