استنبول اتا ترک ائیر پورٹ  بم حملہ سوشل میڈیا پر

ایک برطانوی اسٹریٹ آرٹسٹ بینکسے  نے  اس تصویر کو استنبول اتاترک ائیر پورٹ کے خونریز  بم حملوں کے حوالے سے اپنے ٹویٹر پیج سے شئیر کیا ہے۔

اسٹریٹ آرٹسٹ کی شئیر کردہ  اس تصویر  میں  دنیا میں مسلمانوں کی حالت کی نہایت خوبصورتی سے عکاسی  کی  گئی ہے۔

تصویر میں ترکی اور پاکستان کے خستہ حال  اور خون میں لتھڑے ہوئے پرچموں کو محض دو افراد کے ساتھ دکھایا گیا ہے ۔

یہ دو افراد ان دو ممالک کی نمائندگی کر رہے ہیں اور ایک دوسرے کا دکھ بانٹنے کے لئے ایک دوسرے سے بغل گیر ہیں۔

اسی اثناء میں فرانس اور بیلجئیم کے پرچموں کے اطراف میں بہت سے افراد اور میڈیا جمع ہے۔

ایک اور تصویر جو ترکی کی حالت زار  کی بہترین عکاسی کر رہی ہے اور جسے ٹویٹر سے شئیر کیا گیا ہے اس میں پرچموں کو انسانی شکل میں پیش کیا گیا۔

انسانی شکل میں یہ پرچم فرانس، بیلجئیم اور ترکی کے پرچم ہیں۔

پرچموں کے نیچے وہ تاریخیں دی گئی ہیں کہ جب یہ تینوں ممالک دہشت گرد ی کا نشانہ بنے۔

ان تاریخوں  کی تعداد  ترکی کے پرچم کے نیچے دیگر پرچموں کے مقابلے میں تین گنا زیادہ ہے۔