حکومت فرانس کی جانب سے زلفی لیوان ایلی کو ایوارڈ دیا گیا

ترکی کے نامور فنکار زلفی لیوان ایلی کو اُن کی فنکارانہ خدمات کے دوران امن و آزادی اور حقوقِ انسانی کے حق میں کی جانے والی جدو جہد پر حکومتِ فرانس نے لیجیوں ڈی اونر کا ایوارڈ عطا کیا ہے ۔
ایک منعقدہ تقریب میں ایوارڈ انقرہ میں متعین فرانسیسی سفیر لارینٹ بیلی نے زلفی لیوان ایلی کو دیا ۔
اس ایوارڈ کی وصولی پر لیوان ایلی نے خوشی کا اظہار کرتےہوئے کہا کہ فرانس جیسے ملک کی طرف سے ثقاافتی شعبے میں اس ایوارڈ کا مجھے ملنا باعث فخر ہے ۔ میں ترک ثقافت کو روشناس کروانے کی کوشش کر رہا ہوں لہذا یہ ایوارڈ میرا نہیں بلکہ پورے ترکی کا ہے ۔
اس سے پیشتر یہ ایوارڈ ترک ماہر سماجی علوم نیلوفر گولے، مصنف یاشار کمال اور سائنس دان احسان دوراما جی سمیت متعدد شخصیات کو مل چکا ہے۔