امریکہ نے یوکرین کو ایف فراہم کرنے کی منظوری دے دی۔

امریکہ، ڈنمارک اور ہالینڈ نے پائلٹوں کی ضروری تربیت مکمل کرنے کے فوراً بعد ایف 16 جنگی طیارے یوکرین بھیجنے کی منظوری دے دی ہے۔

اس فیصلے کا یوکرین میں خیر مقدم کیا گیا جو ایک سال سے جنگی طیاروں کا مطالبہ کر رہا ہے۔

یوکرین کے وزیر دفاع اولیکسی ریزنکوف نے کہا کہ امریکی فیصلہ "حیرت انگیز خبر" ہے۔

روس نے ابھی تک اس معاملے پر کوئی تبصرہ نہیں کیا ہے۔

امریکی محکمہ خارجہ کے ترجمان میتھیو ملر نے بتایا کہ کثیر مقصدی F-16 جنگی طیاروں کی ڈنمارک اور ہالینڈ کو منتقلی کی قانونی یقین دہانی کرائی گئی ہے۔

ترجمان نے کہا کہ یہ " پائلٹس کا پہلا عملہ اپنی تربیت مکمل کرنے کے ساتھ ہی عمل میں آئے گا"۔

ہالینڈ کے وزیر خارجہ Wopke Hoekstra نے کہا کہ وہ امریکہ کے فیصلے کا خیر مقدم کرتے ہیں،

انہوں نے کہا کہ یہ یوکرین کے لیے اپنے لوگوں اور زمین کے تحفظ کے لیے ایک اہم سنگ میل ثابت ہو گا۔

ہوکسٹرا نے اپنے سوشل میڈیا اکاؤنٹ پر شیئر کیے گئے اپنے پیغام میں کہا کہ وہ اپنے یورپی شراکت داروں سے بھی اس فیصلے پر بات کریں گے۔

ڈنمارک کے وزیر دفاع جیکوب ایلیمن جینسن نے بھی ایسے ہی بیانات دیے تھے،

انہوں نے  کہا تھا کہ، "حکومت نے کئی بار کہا ہے کہ عطیہ ایک فطری عمل ہے جو تربیت کے بعد ہونا چاہیے۔ اب ہم اپنے قریبی اتحادیوں کے ساتھ اس پر بات کر رہے ہیں۔"