روس کا خلیجی بحران سیاسی مذاکرات سے حل کرنے پر زور
روسی دفتر خارجہ کی ترجمان ماریہ زاخارواا نے کہا ہے کہ قطر اور دیگر خلیجی ممالک سے ہمارا مطالبہ ہے کہ وہ بحران کا سیاسی حل تلاش کریں
روسی دفتر خارجہ کی ترجمان ماریہ زاخارواا نے کہا ہے کہ قطر اور دیگر خلیجی ممالک سے ہمارا مطالبہ ہے کہ وہ بحران کا سیاسی حل تلاش کریں۔
زاخا رووا نے ماسکو میں منعقدہ پریس کانفرنس کے دوران بتایا کہ وزیر خارجہ سرگی لیوروف قطری بحران پر بات چیت کے لیے 27 تا 30 اگست کے درمیان متحدہ عرب امارات ، کویت اور قطر کا دورہ کریں گے۔
ترجمان نے کہا کہ قطری بحران پر ہم فریقین سے اعتدال پسندی کا مظاہرہ کرنے کے منتظر ہیں اور چاہتے ہیں کہ یہ مسئلہ باہمی مفاہمت کے ذریعے حل ہو جائے۔
امریکہ کی نئی افغان پالیسی سے متعلق ترجمان کا کہنا تھا کہ اس حکمت عملی میں عسکری مداخلت کو ترجیح دینا غلط ہوگا کیونکہ ہمارا خیا ل ہے کہ افغانستان میں داعش سرگرم عمل نہیں ہے بہر حال ، امید ہے کہ امریکہ ایسا کوئی اقدام نہیں اٹھائے گا جس سے افغانستان کی علاقائی سالمیت کو خطرہ لاحق ہو جائے۔