قانونی نقل مکانی کے طریقوں میں اضافہ کیا جائے

یورپی پارلیمنٹ نے مہاجرین کے بحران سے متعلق یورپی یونین کے ممالک سے مزید حفاظتی اقدامات کرنے اور قانونی نقل مکانی کے طریقوں میں اضافہ کرنے کی اپیل سے متعلق فیصلے کو 130 مخالف ووٹوں کے مقابلے میں 449 مثبت ووٹوں کے ساتھ منظور کر لیا ہے۔
بل کی منظوری سے یورپی یونین کے سرباہان مملکت نے بحر روم میں مہاجرین کے سانحوں کے سدباب کے لئے گذشتہ ہفتے زیر بحث لائی گئی تدابیر کو منظور کر لیا ہے۔
اس بل کی رُو سے مہاجرین کے جہازوں کے خلاف کئے جانے والے آپریشنوں کے بجٹ میں تین گنا اضافہ کیا جائے گا اور مہاجرین کی گزرگاہ یعنی لیبیا کے سرحدی ہمسایہ ممالک مصر اور سوڈان کے ساتھ تعاون کیا جائے گا۔
یورپی یونین کونسل کے سربراہ ڈونلڈ ٹسک نے کہا ہے کہ "مہاجرین کو بچانے کا سب سے بہترین راستہ یہ ہے کہ جہازوں پر سوار ہونے سے روکا جائے"۔
ٹسک نے یورپی یونین کے پورے رکن ممالک میں ایک مشترکہ پالیسی کی تشکیل کی بھی تجویز بھی پیش کی ہے۔