فرانس بھی دولت اسلامیہ کے خلاف جنگ میں شامل

امريکہ کے بعد اب فرانس نے بھی عراق ميں دولت اسلامیہ کے ٹھکانوں پر فضائی حملے کرنے کا فيصلہ کر ليا ہے۔
دوسری جانب امريکی سينيٹ نے اعتدال پسند شامی مخالفین کو ہتھيار اور تربيت فراہم کرنے سے متعلق منصوبے کی منظوری دے دی ہے۔
فرانسيسی صدر فرانسُوا ں اولاند نے گزشتہ روز کہا کہ ان کا ملک امريکی قيادت ميں عراق ميں دولت اسلامیہ کے خلاف جاری فضائی کارروائی ميں شريک ہو گا۔
گزشتہ ہفتے عراق کا دورہ کرنے والے فرانسیسی صدر نے گزشتہ روز پيرس ميں کہا ہماری حکومت نے عراقی حکام کی درخواست پر فضائی حملوں ميں تعاون کا فيصلہ کیا ہے البتہ انہوں نے واضح کيا کہ فرانس کی شراکت فضائی حملوں تک ہی محدود رہے گی اور بری فوج ہرگز عراق نہيں بھيجی جائے گی۔