ABŞ-nyň ilkinji zenan Gazna ministri wezipesine başlady
ABŞ-nyň Prezidenti Jo Baýdeniň Gazna ministri Žanet Ýellen, Senat tarapyndan tassyklananyndan soň kasam edip wezipesine başlady
1571912
![ABŞ-nyň ilkinji zenan Gazna ministri wezipesine başlady](http://cdn.trt.net.tr/images/xlarge/rectangle/0f22/f1b2/3580/5966327ad95f8.jpg?time=1718933578)
ABŞ-nyň Gazna ministrliginden berilen beýanatda, Ýelleniň Wise-prezident Kamala Harrisiň ýoldaşlyk etmeginde ABŞ-nyň 78-nji Gazna ministri hökmünde kasam edendigi habar berildi.
Wezipä başlan Ýellen, ABŞ-nyň Gazna ministrliginiň 231 ýyllyk taryhynda ilkinji zenan ministr hökmünde taryha adyny ýazdyrdy.
ABŞ-nyň Senady, Jo Baýdeniň Gazna ministri wezipsine dalaşgär hödürlän, ABŞ-nyň Merkezi bankynyň ozalky başlygy Žanet Ýelleniň wezipesini duşenbe güni tassyklapdy.
Tejribeli ykdysadyýetçi bolan Ýellen, 2014-nji ýylda ABŞ-nyň Merkezi bankynyň ilkinji zenan başlygy bolupdy.