“Baýraktar Kyzylelma”, “Baýraktar Akynjy” Bilen Bilelikde Uçuş Amala Aşyrdy

“Baýraktar Kyzylelma”, “Baýraktar Akynjy” uçarmansyz harby howa hüjüm ulagy bilen bilelikde uçuş amala aşyrdy.

“Baýkar” firmasyndan berilen beýannama görä firmanyň dolulygyna öz maýasy bilen milli we özboluşly şertlerde dizaýn edilen “Baýraktar Kyzylelma” uçarmansyz harby uçarynyň uçuş synag kampaniýasy bellenen tertipde dowam edýär.

Türkiýäniň ilkinji uçarmansyz harby uçary “Baýraktar Kyzylelma” uçuş synag kampaniýasynyň çäginde esasy sepitlerden ýene-de birini geçdi.

“Baýraktar Kyzylelma” Tekirdagyň Çorlu etrabynda ýerleşýän “Akynjy Uçuş Tälim we Synag Merkezinde” geçiren 9-njy we 19-njy uçuş synaglarynda, “Baýraktar Akynjy” howa hüjüm ulagy bilen bilelikde uçuş amala aşyrdy.

Synag tapgyrynda uçarmansyz harby uçar bilen uçarmansyz howa ulagynyň bilelikdäki uçuşynyň ilkinji gezek amala aşyrylandygy habar berildi.

Şeýlelikde “Baýkaryň” milli we özboluşly dizaýn edilen, ýokary tehnologiýaly uçarmansyz platformalarynyň utgaşyklygy we potensial güýji ýene-de bir gezek görüldi.