Kurtulmuş: “Terror guramasy PÝD Ýefradyň günbataryna geçmez”
Wise-premýer Numan Kurtulmuş ABŞ-nyň PÝD-ä çare görülmegine garşylyk görkezmegini tankyt etdi
Kurtulmuş: “Terror guramasy PÝD Ýefrat derýasyndan günbataryna geçmez. ABŞ-nyň PÝD-ä basyş etmegine garaşýarys” diýdi.
Numan Kurtulmuş ABŞ-nyň Prezidenti Barak Obamanyň terror guramasy DAİŞ-e garşy göreş boýunça ýörite wekili brett MkGurkiň “DAEŞ-iň bolmadyk ýerlerinde PÝD-ä çäre görülmegi nädogry” görnüşli beýanatyny tankyt etdi.
Stambulda žurnalistleriň soraglaryna jogap beren Numan Kurtulmuş: “ABŞ Türkiýäniň çemeleşmesini bilýär. Söz berdiler. PÝD Ýefrat derýasynyň günbataryna geçmez. Munbiçde çykmaly. Ol ýerde çaknyşyk bolmazlygy üçin ilki bu mesele çözülmeli. ABŞ-nyň PÝD-ä basyş etmegine garaşýarys” diýdi.
Jarablusa guralan “Ýefrat galkany” operasiýasynyň esasy maksadynyň sebiti DAİŞ-den saplamakdygyny nygtan Kurtulmuş, Türkiýäniň urşa goşulmandygyny, basyp alyjy güýç däldigini aýtdy.
Türkiýäniň ýüze çykmagy ähtimal howplara garşy özüni gorajakdygyny aýdan Kurtulmuş Siriýadan guraljak hüjüme garşylyk görkeziljekdigini nygtady.
Wise-premýer Kurtulmuş: “Bütin sebit PÝD tarapyndan alynyp, koridor açylan halatynda Siriýa bölüner. Biz Siriýanyň territorial bitewiliginiň tarapynda” diýdi.
Degişli Habarlar
Daşary Işler Ministri Fidan Çeh Kärdeşi Bilen Duşuşar
Duşuşykda iki ýurduň arasyndaky özara gatnaşyklar ähli taraplaýyn ara ara alnyp maslahatlaşylar.