Makron Ukraina Goşun Ugradylyp Bilinjekdigini Beýan Etdi
Fransiýanyň Prezidenti Emmanuel Makron Ukraina goşun ugradylyp bilinjekdigini, eýsem özüniň esasy strategik maksdynyň Russiýanyň ýeňmeginiň öňüni almakdygyny aýtdy.
Makron “Ze Ekonomist” gazetine interwýu berdi.
Makron beýannamasynda; Ozalam aýdyşym ýaly ähli ähtimallyklary göz öňünde tutýaryn. Sebäbi garşydaşymyz ähli ähtimallyklary göz öňünde tutýar. Hüjümçä garşy çärelerimiziň çägini ikirjiňli kesgitledik” diýdi.
Makron şeýle hem Ýewropanyň “Ukraina kömegini, göreş üçin degişli goldawy bermäge dowam etmelidigini” nygtady.
Fransiýanyň Prezidenti; “Meniň maksadym anyk: Russiýanyň Ukrainada üstün çykmagynyň öňüni almak. Üstün çykan halatynda Ýewropada howpsuzlyk diýilýän zat bolmaz” diýdi.
Makron Russiýa Federasiýasyny togtatma ähtimallygynyň “ünsden düşülmeli däldigini” we eger şeýle bolman halatynda “Russiýanyň durmajakdygyny” we beýleki goňşularyna hem howp saljakdygyny duýdurdy.
Makron ozalky beýanatlaryndan birinde NATO-nuň goşunlarynyň Ukraina ugradylma ähtimallygyny gün tertibine getiripdi. Emma oňa käbir ýaranlary reaksiýa bildiripdi. Litwa we Kanada ýaly ýurtlar şol perspektiwany goldan bolsa, esasy köplük gönüden goşulyşma garşy durupdy.
Degişli Habarlar
Eýran Täze Prezidentini Saýlamak Üçin 28-nji Iýunda Saýlaw Geçirer
Bu barasynda Eýranyň resmi habarlar gullugy IRNA habar berdi.
Owganystanda Syýahatçylara Guralan Hüjümiň Jogapkärçiligini DEAŞ Öz Üstüne Aldy
Hüjümde 3-i Ispaniýanyň, 3-i hem Owganystanyň raýaty bolan 6 adam ýogalypdy.
