Täjigistandaky rus harby bazasynda tälim türgenleşigi geçirildi
Tälim türgenleşigine S-300 howa goranyş ulgamlary bilen birlikde Mi-8 dik uçarlary hem gatnaşdy
![Täjigistandaky rus harby bazasynda tälim türgenleşigi geçirildi](http://cdn.trt.net.tr/images/xlarge/rectangle/e05d/f7ca/ece3/5f1290ab53484.jpg?time=1719346003)
Russiýanyň daşary ýurtdaky iň uly harby bazasy bolan Täjigistandaky 201-njy rus harby bazasynda S-300 howa goranyş ulgamlarynyň ulanylmagynda tälim türgenleşigi geçirildi
Russiýanyň Merkezi harby serkerdeliginden berlen beýanata görä, bazadaky merkezlere howa hüjümini guran hyýaly duşman yza serpikdirildi.
Tälim türgenleşigine S-300 howa goranyş ulgamlary bilen birlikde Mi-8 dik uçarlary hem gatnaşdy.
Türgenleşigiň çäginde howa goranyş ulgamlarynyň radar bekedi tarapyndan hyýaly duşman uçarlarynyň bardygy anyklanyldy. Türgenleşikde 15-nden gowrak raketa atyldy.
S-300 howa goranyş ulgamlary, oktýabr aýynda, 201-nji rus harby bazasyny howa hüjümlerinden we Orta Aziýa kollektiw howpsyzlyk zolagyny goramak maksady bilen Täjigistana ornaşdyrlypdy.
7 müňden gowrak rus esgeriniň iş alyp barýan ýeri bolan Täjigistanyň Duşenbe we Bohtar şäherlerinde gurlan harby baza, iki ýurduň arasyndaky şertnama laýyklykda 2042-nji ýyla çenli öz işini dowam etdirer.
Degişli Habarlar
![ABŞ, Siriýadaky Harby Merkezlerine Goşmaça Esger Ugratdy](http://cdn.trt.net.tr/images/medium/rectangle/7c67/fb02/2fe1/667aa8c05a9d1.jpg?time=1719346004)
ABŞ, Siriýadaky Harby Merkezlerine Goşmaça Esger Ugratdy
40 ulaglyk kerwen, Haseke welaýatynyň Kasrek obasyndaky harby merkeze bardy.
![Gazada Ýogalanlaryň Sany Artýar](http://cdn.trt.net.tr/images/medium/rectangle/9b75/27af/03ce/667ac8253e0f1.jpg?time=1719346004)
Gazada Ýogalanlaryň Sany Artýar
Gazada ýogalanlaryň sany 37 müň 658, ýaralananlaryň sany hem 86 müň 237 adama ýetdi