Dünýäde täze görnüş koronawirus sebäpli ýogalanlaryň sany 511 müň adamdan geçdi
Kanadada Kovid-19 sebäpli 16-njy martda daşary ýurtlaryň ýurda girmegi gadagan edilipdi we şol gadagançylygyň möhledi 31-nji iýula çenli uzadyldy
Dünýäde täze görnüş koronawirus sebäpli ýogalanlaryň sany 511 müň, wirusa ýoluganlaryň sany 10 million 520 müň, sagalanlaryň sany 5 million 735 müň adamdan geçdi.
Epidemiýanyň Ýewropadaky merkezi Britaniýada koronawirus sebäpli ýogalanlaryň sany 155 adam artyp 43 müň 730 adama, wirusa ýoluganlaryň sany 89 adam artyp 312 müň 654 adama ýetdi.
Italiýada Kovid-19 sebäpli ýogalanlaryň sany 1 günde 23 adam artyp 34 müň 767 adama ýetdi. Soňky 24 sagatda ýene-de 142 adama wirusyň ýokaşandygy anyklanyldy.
Fransiýada epidemiýa sebäpli ýogalanlaryň sany 30 adam artyp 29 müň 843 adama, hasaba alynanlaryň sany 541 adam artyp 201 müň 152 adama ýetdi.
Ispaniýada Kovid-19 sebäpli 28 müň 355 adam ýogaldy, wirusa ýoluganlaryň sany 229 adam artyp 42 müň 141 adama ýetdi.
Koronawirus Kanadada 8 müň 591 adamyň ýogalmagyna, 104 müňden gowrak adamyň hem hasaba alynmagyna sebäp boldy. Epidemiýa sebäpli 16-njy martda daşary ýurtlaryň ýurda girmegi gadagan edilipdi we şol gadagançylygyň möhledi 31-nji iýula çenli uzadyldy.
Degişli Habarlar
ABŞ, Siriýadaky Harby Merkezlerine Goşmaça Esger Ugratdy
40 ulaglyk kerwen, Haseke welaýatynyň Kasrek obasyndaky harby merkeze bardy.
Gazada Ýogalanlaryň Sany Artýar
Gazada ýogalanlaryň sany 37 müň 658, ýaralananlaryň sany hem 86 müň 237 adama ýetdi
