Dünýäde täze görnüş koronawirus sebäpli ýogalanlaryň sany 244 müň 791 adamdan geçdi

Dünýäde täze görnüş koronawirus sebäpli ýogalanlaryň sany 244 müň 791, wirusa ýoluganlaryň sany 3 million 484 müň 632, sagalanlaryň sany bolsa 1 million 124 müň 324 adamdan geçdi.

ABŞ-da wirus sebäpli 67 müň 448 adam ýogaldy, 1 million 160 müň 838 adama hem wirusyň ýokaşandygy anyklanyldy.

Italiýada epidemiýa sebäpli ýogalanlaryň sany 474 adam artyp 28 müň 710 adama ýetdi. Ýurtda hasaba alynanlaryň sany bolsa 209 müň 328 adama ýetdi. Koronawirusa garşy görlen çäreler tapgyrlaýyn ýagdaýda bes edilýär. Ertir 2-nji tapgyrda gurluşyk, önümçilik we söwda pudagynda işleýän 4,4 million adamyň işine başlamagyna garaşylýar.

Fransiýada Kovid-19 sebäpli ýogalanlaryň sany soňky 24 sagatda 166 adam artyp 24 müň 760 adama, hasaba alynanlaryň sany 168 müň 396 adama ýetdi.

Britaniýada koronwirus sebäpli soňky 1 günde ýogalanlaryň sany 621 adam artyp 28 müň 131, wirusa ýoluganlaryň sany 4 müň 806 adam artyp 182 müň 260 adama ýetdi.

Günorta Amerikada ýerleşýän Braziliýada Kovid-19 sebäpli ýogalanlaryň sany soňky 24 sagatda 421 adam artyp 6 müň 760 adama, wirusa ýoluganlaryň sany 4 müň 970 adam artyp 96 müň 559 adama ýetdi.