Dünýäde koronawirus sebäpli ýogalanlaryň sany 240 müň adamdan geçdi

Dünýäde täze görnüş koronawirus sebäpli ýogalanlaryň sany 240 müň, wirusa ýoluganlaryň sany 3 million 421 müň adamdan geçdi. Sagalanlaryň sany bolsa 1 million 93 müň adama ýetdi.

Epidemiýanyň merkezi ABŞ-da ýogalanlaryň sany soňky 24 sagatda 1811 adam artyp 65 müň 783, wirusa ýoluganlaryň sany 1 million 132 müň 89 adama ýetdi. Nýu-Ýork ştatynda koronawirus sebäpli ýogalanlaryň sany 24  müň adamdan geçdi. Ştatda mekdepleriň şu okuw ýylynyň ahyryna çenli açylmajakdygy habar berildi.

Italiýada Kowid-19 sebäpli ýogalanlaryň sany soňky 24 sagatda 269 adam artyp 28 müň 236 adama ýetdi. Hasaba alynanlaryň sany 100 müň 943 adama çenli aşaklady.

Ispaniýada koronawirus sebäpli ýogalanlaryň sany 276 adam artyp 25 müň 100 adama ýetdi.

Fransiýada koronawirus sebäpli ýogalanlaryň sany soňky 1 günde 218 adam artyp 24 müň 594 adama, wirusa ýoluganlaryň sany 883 adam artyp 200 müň 137 adama ýetdi.

Britaniýada epidemiýa sebäpli ýogalanlaryň sany soňky 24 sagatda 739 adam artyp 27 müň 510 adama, wirusa ýoluganlaryň sany hem 6 müň 201 adam artyp 177 müň 454 adama ýetdi.

Belgiýada Kowid-19 sebäpli ýogalanlaryň sany 1485 adam artyp 49 müň 517 adama ýetdi.

Gollandiýada koronawirus sebäpli ýogalanlaryň sany 4 müň 987 adama ýetdi. Gollandiýada ýogalan türkleriň sany 68 adam. Ýurtda hasaba alynanlaryň sany 40 müň 236 adama ýetdi.

Kowid-19 sebäpli Awstriýada 596 adam ýogaldy, 15 müň 506 adam hasaba alyndy. Ýurtda 1,5 aý soň söwda merkezleri we dellekhanalar ýaňadandan açyldy.

Şwesiýada koronawirus sebäpli 18-i Türkiýäniň raýaty bolmak bilen 2 müň 669 adam ýogaldy, 22 müň 82 adam hem hasaba alyndy.

Kanada-da soňky 2 günde koronawirus sebäpli ýogalanlaryň sany 408 adam artyp 3 müň 462 adama, wirusa ýoluganlaryň sany 3 müň 830 adam artyp 55 müň 61 adama ýetdi.

Günorta Amerikada ýerleşýän Braziliýada täze görnüş koronawirus sebäpli ýogalanlaryň sany soňky 24 sagatda 428 adam artyp 6 müň 329 adama, hasaba alynanlaryň sany bolsa 6 müň 209 adam artyp 91 müň 589 adama ýetdi.