علییئو و میرضیایئو اردوغانی تبریک ائتدی
لیدئرلر، ایکی اؤلکه آراسین‌داکی دوستلوق و قارداشلیق ایلیشکی‌لرینین قالیجی و سارسیلماز اولدوغونو بیر دفعه داها وورغولادی
آذربایجان جمهورباشقانی ایلهام علییئو، جمهورباشقانی و ۲۸.جی دؤنم میللت وکیلی سئچیملرین‌ده سسلرین اکثریتینی الده ائتمه‌سی سببی ایله جمهورباشقانی رجب طیب اردوغانی و جمهور اتفاقینی تبریک ائتدی.
آذربایجان جمهورباشقانلیفیندان وئریله‌ن آچیقلامایا گؤره علییئو، اردوغانا تلفون ائدرک تبریکلرینی چاتدیردی.
علییئو، اردوغان لیدئرلیگین‌ده‌کی تورکیه‌نین بؤیوک گلیشیم یاشادیغینی و بونون بیر تظاهرو اولاراق قارداش تورک خالقینین بو سئچیملرده ده لیدئرینه گوونینی گؤستردیگینی قید ائتدی.
اردوغان دا ایلگی و تبریکلری اوچون علییئوه تشکر ائتدی.
لیدئرلر، ایکی اؤلکه آراسین‌داکی دوستلوق و قارداشلیق ایلیشکی‌لرینین قالیجی و سارسیلماز اولدوغونو بیر دفعه داها وورغولادی.
اؤزبکیستان جمهورباشقانی شؤوکت میرضیایئو ده، جمهورباشقانی و ۲۸.جی دؤور میللت وکیلی سئچیملرینین باشاریلی گئچمه‌سین‌دن اؤترو جمهورباشقانی اردوغانی قوتلادی.
اؤزبکیستان جمهورباشقانلیغی اوفیسیندن وئریله‌ن آچیقلامایا گؤره میرضیایئو، اردوغانا تلفن ائدرک سئچیم نتیجه‌لرینین قارداش تورکیه خالقینین اردوغانین لیدئرلیگین‌ده گئرچکلشدیرمکده اولان سیاسی دییشیم‌لر و اقتصادی اصلاحاتلارین گئنیش شکیل‌ده دستکله‌مه‌سینین گؤستریجی‌سی اولدوغونو دیله گتیردی.
اؤزبکیستان ایله تورکیه آراسین‌داکی گئنیش استراتژیک اورتاقلیق و چوخ طرفلی امکداشلیغین داها دا اینکیشاف ائتدیریلمه‌سی ایله باغلی مسئله‌لری ده اله آلان لیدئرلر، یوکسک سویه‌لی استراتژیک اورتاقلیق شوراسینین بیر سونراکی ییغینجاغینا باغلی مؤوضوعلاری دا گؤزدن گئچیردی.
