میت باشقانی ابراهیم کالین باکی‌دا تهلوکه‌سیزلیک کنفرانسینا قاتیلدی
تهلوکه‌سیزلیک قایناقلاریندان الده ائدیله‌ن معلوماتا گؤره، میت باشقانی کالین، ۱۴-۱۵ سپتامبردا آذربایجاندا تشکیل ائدیله‌ن باکی تهلوکه‌سیزلیک کنفرانسینا قاتیلدی
میللی کشفیات تشکیلاتی (میت) باشقانی ابراهیم کالین، ارمنیستان ایله آذربایجان آراسیندا سون باریشین بؤلگه‌ده ثابتلیگی تامین ائدجگینی سؤیله‌دی.
تهلوکه‌سیزلیک قایناقلاریندان الده ائدیله‌ن معلوماتا گؤره، میت باشقانی کالین، ۱۴-۱۵ سپتامبردا آذربایجاندا تشکیل ائدیله‌ن باکی تهلوکه‌سیزلیک کنفرانسینا قاتیلدی.
تخمیناً ۵۰ اؤلکه‌نین کشفیات و تهلوکه‌سیزلیک بوروکراسی باشقانینین قاتیلدیغی کنفرانسدا، بؤلگه‌سل و گلوبال چتینلیکلر اله آلیندی.
کالین دانیشماسیندا، گلوبال موحیط‌ده‌کی گووه‌ن بحرانلارینا، آرتان ترور تهدیدینه و بونلارین گتیریب چیخاردیغی اینسانی نتیجه‌لره توخوندو.
ابراهیم کالین، ۴۴ گون داوام ائد‌ن (اکتبر-نوامبر ۲۰۲۰) ساواشدان سونرا آذربایجانین ایشغالدان قورتاردیغی قاراباغدا حیاتین نورماللاشماسی ایستیقامتینده آتدیغی موفق آددیملارا دیقت چکه‌رک، ارمنیستان ایله آذربایجان آراسیندا سون باریش آنلاشماسی ائدیلمه‌سینین قافقازدا ثابتلیک و اینکیشاف آدینا لازیم اولدوغونو وورغولادی.
تاسیس ائدیله‌جک قالیجی باریشین عینی زاماندا زنگه‌زور کوریدورونون آچیلماسی دا داخیل آذربایجان-ارمنیستان-ناخچیوان-تورکیه-آوروپا خطی علاقه‌لرینی تامین ائدجگینی وورغولایان کالین، سرعتله دییشه‌ن و گئده‌رک کؤورک حالا گلن بین الخالق سیستمین اوکراینا و غزه‌ده‌کی ساواشلار مضمونوندا ایکی اهمیتلی قلوبال بحرانلا قارشی قارشییا اولدوغونا دا توخوندو.
کالین، روسیه-اوکراین ساواشینین بین الخالق حقوق زمینینده یئنی بیر تهلوکه‌سیزلیک آمعماریسینین تیکیلمه‌سی ایله حله قوووشدورولماسی لازیم اولدوغونو وورغولایاراق، ۴۰ میندن چوخ فیلیسطینلینین اؤلومونه سبب اولان غزه‌ده‌کی ساواشین داورماسی اوچون آتیشکسین بیر آن اول تامین ائدیلمه‌سینین چوخ لازیم اولدوغونا و قالیجی باریشی تامین ائتمه‌نین تک یولونون ایسرائیل ایشغالینی بیتیره‌رک ایکی دؤولتلی حل اولاجاغینا دقت چکدی.
کالین، تورکیه‌نین هم اوکراین هم ده غزه ساواشینین سونا چاتماسی اوچون آچیق و باغلی چوخ ایستیقامتلی کشفیات دیپلوماتسیسی ایشلرینی داوام ائتدیرجگینی ده وورغولادی.
ترورون گلوبال بیر تهدید اولدوغونو، بو چرچیوه‌ده بوتون ترور تشکیلاتلاری ایله مباریزه‌نین مشترک ایجرا ائدیلمه‌سی لازیم اولدوغونو ایفاده ائد‌ن کالین، ترور تشکیلاتلارینین آیریشدیریلاممایاجاغینی، هر کس گوونده اولمادان کیمسه‌نین گوونده اولا بیلمه‌یه‌جیینی وورغولادی.
