آذربایجان-دا "کووید-19"دان اؤلوم و یولوخما سایی (3 فوریه)

آذربایجان-دا کوروناویروس‌دان 361 نفر ساغالیب، 162 یئنی یولوخما فاکتی قئیده آلینیب.

آذربایجان جمهوریتینده کوروناویروس انفکسیونوندان 361 نفر معالیجه اولونا‌راق ساغالیب، 162 یئنی یولوخما فاکتی قئیده آلینیب. گؤتورولن آنالیز نومونه‌لری مثبت چیخمیش 4 نفر وفات ائدیب.

حاضیرکی دؤوردک اؤلکه‌ده 230 مین 617 نفرین کوروناویروس انفکسیونونا یولوخماسی فاکتی معین ائدیلیب. اونلاردان 224 مین 168 نفر معالیجه اولونا‌راق ساغالیب، 3 مین 145 نفر وفات ائدیب. آکتیو خسته سایی 3304 نفردیر.

اؤتن مودت عرضینده 2 میلیون 426 مین 945 تست آپاریلیب. بوگونکو تست سایی ایسه 7 مین 198-دیر.