آذربایجان 9 میلیارد دو‌لاردان چوخ محصول صادر ائدیب - بو ایل

2018 -جی ایلین ژانویه –ژوئن آیلاریندا آذربایجان جمهوریتی‌نین حقوقی و فیزیکی شخص‌لری دونیانین 167 اؤلکه‌سیندکی طرفداش‌لاری ایله تیجارت عملیات‌لاری حیاتا کئچیریب، 99 اؤلکه‌یه محصول صادر اولونوب، 158 اؤلکه‌دن وارد اولونوب.

گؤمروک اورقان‌لاریندا قئیدیاتی آپاریلمیش، لاکین گؤمروک رسمیلشدیریلمه‌سی تام باشا چاتدیریلمامیش صادر اولونان خام نفت و طبیعی گازین ایستاتیستیک قیمتلندیریلمیش دیری نظره آلینماقلا 2018-جی ایلین ژانویه- ژوئن آیلاریندا خاریجی تیجارت دؤوریه‌سی 14 میلیارد 647،0 میلیون امریکا دو‌لاری، او جمله‌دن صادراتین دیری 9 میلیارد 986،7 میلیون دو‌لار، وارداتین دیری 4 میلیارد 660،3 میلیون دو‌لار تشکیل ائدیب، نتیجه‌ده 5 میلیارد 326،4 میلیون دو‌لارلیق موسبت تیجارت مازادی یارانیب.

2017 -جی ژانویه – ژوئن آیلاری ایله موقاییسه‌ده خاریجی تیجارت دؤوریه‌سی فاکتیکی قیمت‌لرله 36،7 فایز، رئال ایفاده‌ده ایسه 2،6 فایز، او جمله‌دن صادرات 2،1 فایز، واردات 3،7 فایز آرتیب.

صادراتین 22،0 فایزینی ایتالیایا، 8،2 فایزینی ایسراییله، 7،5 فایزینی تورکیه‌یه، 5،9 فایزینی تایوانا، 5،3 فایزینی ایندونزیایا، 4،4 فایزینی هیندیستانا، هر بیری 4،0 فایز اولماقلا کانادا، روسیا و چک جمهوریتی، 3،8 فایزینی آلمانیایا، 3،7 فایزینی پرتغالا، 3،2 فایزینی گورجوستانا، 2،9 فایزینی امریکایا، 2،6 فایزینی فرانسایا، قالان 18،5 فایزینی ایسه دیگر اؤلکه‌لره گؤندریلمیش محصول‌لارین دیری تشکیل ائدیب.

اؤلکه‌میزه وارد اولونموش محصول‌لارین عمومی دیری‌نین 16،9 فایزی روسیا، 16،3 فایزی تورکیه، 10،4 فایزی چین، 7،3 فایزی آلمانیا، 4،8 فایزی امریکا، 4،2 فایزی اوکراینا، 3،4 فایزی ایتالیا، 2،9 فایزی ایران، 2،5 فایزی بلاروس، 2،4 فایزی بیرلشمیش کرال‌لیق، 28،9 فایزی ایسه دیگر اؤلکه‌لر ایله آپاریلمیش واردات عملیات‌لاری‌نین پایینا دوشوب.

2018 -جی ایلین ژانویه – ژوئن آیلاریندا 846،5 میلیون دو‌لار دیرینده غیری-نفت محصول‌لاری صادرات ائدیلیب کی، بو دا 2017-جی ایلین ژانویه –ژوئن آیلارینا نیسبتن فاکتیکی قیمت‌لرله 15،0 فایز، رئال ایفاده‌ده ایسه 4،7 فایز چوخ‌دور.