"تورکیه بیزیم اوچون تورکچولوگون ضمانتی"
ائلچین موسی‌اوغلو، 2 آیری قروپ حالیندا، هم آذربایجاندا، هم تورکیه‌ده چکیم آپاردیق‌لارینی سؤیله‌دی
فتح‌الله‌چی ترور هؤرگوتو پارالل دؤولت یاپیلانماسی (فتو/پ.د.ی)نین 15 جولای 2016داکی چئوریلیش گیریشیمی، آذربایجان‌لی صنعتچی‌لر و او گئجه تورکیه‌ده اولوب دیرنیشه قاتیلان آذربایجان‌لی‌لارین گؤزون‌دن بلگه‌سل حالینا گتیریلدی.
چکیم‌لرینه می آییندا، باکیدا باشلانان بلگه‌سل، 9-16 نوامبردا تشکیل ائدیله‌جک "7.جی مالاتیا اولوسلارآراسی فیلم فستیوا‌لی" گؤستریله‌جک.
بلگه‌سل فیلمین یؤنتمنلیگینی اوستلنن آذربایجان‌لی ائلچین موسی‌اوغلو، 2 آیری قروپ حالیندا، هم آذربایجاندا، هم تورکیه‌ده چکیم آپاردیق‌لارینی سؤیله‌دی.
موسی‌اوغلو، 15 جولایین آذربایجاندا اؤزلری اوچون ده چوخ چتین اولدوغونو ایفاده ائده‌رک، او گئجه سحره قدر یاتمادیق‌لارینی دیله گتیردی.
چئوریلیش جهدینی اؤز اؤلکه‌لرینده اولموش کیمی حس ائتدیک‌لرینی دئین موسی‌اوغلو،
"تورکیه بیزیم اوچون بوتون تورکچولوگون ضمانتی اولان بیر اؤلکه و بئله بیر شئیین اولماسی بیزیم اوچون چوخ چتین ایدی. بیز داوام‌لی تلفن‌لار ائتدیک. بورادا قارداش‌لاریمیز، دوست‌لاریمیز، قوهوم‌لاریمیز وار، بورادا یاشاییرلار. چوخ چتین بیر گئجه ایدی اصلینده و سحر ساات‌لاریندا عسگرلرین تسلیم اولدوغو خبرلری گلدیک‌دن سونرا راحاتلادیق" دئیه دانیشدی.
تورکیه‌ده یاشایان آذربایجان‌لی‌لارین 15 جولایدا میدان‌لارا چیخماسین‌دان اؤترو قورور دویدوغونو بیلدیرن موسی‌اوغلو، تورکیه‌دکی چکیم‌لری ایستانبول، آنکارا و مالاتیادا ائتدیک‌لری معلوماتینی وئردی.
ائلچین موسی‌اوغلو، بیر چوخ فرق‌لی انسانین شاهیدلیگینی بلگه‌سله یانسیتدیق‌لارینا وورغو ائده‌رک، آذربایجان‌لی سس صنعتچی‌سی آزرینین ده "15 جولای گئجه‌سی" آدلی اثری ایله بلگه‌سل فیلمده ایشتیراک ائدجیینی ایفاده ائتدی.
