ولادیمیر پوتین، حسن روحانی و ایلهام علیئو، بو گون باکی‌دا گؤروشه‌جک‌لر
لیدرلر همچین‌ین بو ایل آستانادا کئچیریلمه‌سی پلان‌لاش‌دیریلان بئش‌لی ایجلاس اوّلینده خزرین ایستاتوسو موضوعسوندا یاشانان گلیشمه‌لری و اوزرینده راضیلیغا قالینامایان موضوعلاری دانیشما شانسی تاپا‌جاق
روسیا دولت باشقانی ولادیمیر پوتین، ایران پرزیدنتی حسن روحانی و آذربایجان پرزیدنتی ایلهام علیئو، بو گون باکی‌دا تشکیل ائدیله‌جک اوچ طرف‌لی دولت باشقانلاری ایجلاسیندا گؤروشه‌جک‌لر.
ایلک دفعه تشکیل ائدیله‌جک اوچ طرف‌لی ایجلاس‌دا، لیدرلر انرژی و نقلیات پروژه‌لرینی، اقتصادی علاقه‌لری، امنیت و ترورلا موباریزه مسئله‌لرینی مذاکیره ائده‌جک‌لر.
ایجلاس‌دا روسیا، ایران و هیندیستانین 2000-جی ایلده اوزرینده راضیلاشدیغی، داها سونرا بلاروس، قزاقیستان، تاجیکیستان، قیرقیزیستان، ارمنیستان و آذربایجانین دا معین مرحله‌لرینه قاتیلدیغی شما‌لی-جنوبی دمیریولو خطینه باغلی گلیشمه‌لر دگرلندیریلمه‌لی.
توپلانتی‌نین بیر دیگر گوندم مادده‌سینی اوچ اؤلکه آراسیندا الکتریک انرژی‌سی شبکه‌سی‌نین سنکرونیزاسیون ائدیلمه‌سینی نظرده توتان شما‌لی-جنوبی انرژی دهلیزی میدانا گتیره‌جک.
لیدرلر همچین‌ین بو ایل آستانادا کئچیریلمه‌سی پلان‌لاش‌دیریلان بئش‌لی ایجلاس اوّلینده خزرین ایستاتوسو موضوعسوندا یاشانان گلیشمه‌لری و اوزرینده راضیلیغا قالینامایان موضوعلاری دانیشما شانسی تاپا‌جاق.
روسیانین ایره‌لی سوردوگو خزردن کئچه‌جک بورو کمرلرینده بوتون اؤلکه‌لرین تائیدی‌نین آلینماسی لازیم اولدوغو شرطی، اولا بیله‌جک مرز بؤلگه‌سینده اولان و هله ایشلدیلمیئن آلوو طبیعی گاز یاتاغی حاقیندا آذربایجان و ایران آراسین‌داکی آنلاشیلمازلیق‌لار گوندمه گلمه‌سی اولابیله‌جک موضوعلار آراسیندا گؤستریلیر.
داغلیق قاراباغ پروبلمی‌نین ده گؤروشوله‌جگی ایجلاس‌دا، 2-5 آوریلده جبهه خطینده یاشانان شدت‌لی چاتیشما‌لارین آردین‌دان روسیانین دؤوره‌یه گیرمسیله تامین آتشکس، سونراسیندا سرعت‌لنن مذاکیره مدتی دگرلندیریلمه‌لی.
آذربایجان تورپاق‌لاری‌نین ارمنیستان طرفین‌دن ایشغالییلا باشلایان، 1994-دکی آتشکس راضیلاشماسینا باخمایا‌راق چیخان چاتیشما‌لاردا چوخ سایدا وطنداش و عسگر ایتکی‌سینه سبب اولان قاراباغ موضوعسونا، بؤلگه‌دکی پروبلم‌لرین قونشو اؤلکه‌لرین دستگی ایله یئنه بؤلگه‌ده حل ائدیلمه‌سی یاناشماسی اله آلینماسی نظرده توتولور.
