اوروپا اینسان حاق‌لاری محکمه‌سی‌دن ارمنیستانا شوک قرار
کؤچکون‌لرین ائولرینه دؤنمه‌لرینی مانعه تؤره‌دن ارمنیستانی گوناهکار گؤردو
اوروپا اینسان حاق‌لاری محکمه‌سی‌دن ارمنیستانا شوک قرار ...
اوروپا اینسان حاق‌لاری محکمه‌سی (AİHM) بؤیوک دایره‌سی، آذربایجان‌لی کؤچکون‌لرین ائولرینه دؤنمه‌لرینی مانعه تؤره‌دن ارمنیستانی گوناهکار گؤردو.
محکمه، 1992-جی ایلده ساواش سونراسی لاچین کوریدورونداکی ائولرین‌دن آیریلماق مجبوریتینده قالان، ائولرینه دؤنه‌مین 6 آذربایجان‌لی‌نین 2005-جی ایلده مراجعت ائتدیک‌لری ادعانی سونوچلاندیردی.
"ارمنیستانین داغلیق قاراباغدا ایشغال ائتدیگی بؤلگه‌لرده محکمه مسئولیتی اولدوغونا" حؤکم ائدن محکمه، "مراجعت صاحب‌لری‌نین ائولرینه دؤنمه‌لری مانع تؤره‌دیله‌رک اینسان حاق‌لاری پوزونتوسو ائدیلدیگینی" ایفاده ائتدی.
اوروپا اینسان حاق‌لاری محکمه‌سی، ارمنیستانین آذربایجان‌لی‌لارا اؤده‌یه‌جگی تضمیناتین مبلغینی داها سونرا آچیقلایا‌جاق.
لاچین بؤلگه‌سی، داغلیق قاراباغ ایله ارمنیستان آراسین‌داکی علاقنی تشکیل ائدیر و داغلیق قاراباغ کیمی ارمنی ایشغا‌لی آلتیندا.
گؤزلمچی‌لره گؤره قرار، ارمنیستانین داغلیق قاراباغی ایشغا‌لی‌نین آردین‌دان ائولرینه دؤنه‌مین یوز مین‌لرله قاچقینی ماراقلاندیردیغی اوچون بؤیوک اهمیت داشیییر.
