آذربایجان فیلمی ایراندا بیرینجی اولدو
"فیلم، قاراباغ ساواشی حاقیندا سیزین گؤرمه‌دیگینیز و ائشیتمه‌دیگینیز ساواش حقیقتینی عکس ائتدیریر"
آذربایجان فیلمی اولوسلارآراسی فستیوالین قالیبی اولدو.
فهروز شامییئوین سناریوسونو یاردیغی و یؤنه‌تدیگی “یول” فیلمی ایراندا گئچیریلن " IXرویش" اولوسلارآراسی قیسا مئتراژلی فیلم فستیوا‌لی‌نین باش اؤدولونه لاییق گؤرولدو.
ائلچین حسین‌بی‌لی‌نین “گؤزلریمه گون دوشور” حکایه‌سی‌نین موتیو‌لری اساسیندا چئکیلن "یول” فیلمی‌نین فستیوالدا گؤستریمی فوریه آیی‌نین 26سیندا خوجا‌لی سوی‌قیریمی‌نین 23.جو ایل‌دؤنومونه تصادف ائتدی.
فهروز شامییئو دئییر: "فیلم، قاراباغ ساواشی حاقیندا سیزین گؤرمه‌دیگینیز و ائشیتمه‌دیگینیز ساواش حقیقتینی عکس ائتدیریر. باش قهرمان قاراباغ‌دا دوغولموش، اوزون مدت باکی‌دا یاشایان پروفسوردور. اونون اؤلوم آیاغیندا هر شئیی گؤزه آلیب دوغولدوغو کنده گئتمک ایستمه‌سی و بونو گئرچکلشدیرمه‌سی هر بیر آذربایجان‌لی و دونیا اوچون موهوم مئساژدیر. پروفسور آرزوسونا چاتماق اوچون مینلنمیش ساحه‌نی کئچه‌رک اؤز کندینه گلیر. ارمنی‌لر طرفین‌دن ایشغال اولونموش کند خارابالیغا چئوریلمیشدیر. پروفسور اسیر گؤتورولور. اساس حادثه‌لر ده بون‌دان سونرا باشلاییر.”
“یول” فیلمی آذربایجان مدنیت و توریزم باخانلیغی‌نین گئچیردیگی “بو میدان، بو ائکران” مسابیقه‌سی‌نین ده قالیب پروژه‌لرین‌دن بیری‌دیر.
