آخیسکا تورکلری ایستانبولدا بیر آرایا گلدی
10 آیری اؤلکه‌یه داغیلمیش اولا‌راق حیات‌لارینی داوام ائتدیرن آخیسکا تورکلری 4 ایل آرا‌دان سونرا 2-جی آدی کونگره‌لرینده ایستانبولدا تشکیل ائتدی
آخیسکا تورکلری ایستانبولدا بیر آرایا گلدی.
آخیسکا تورکلری 2-جی عادی کونگره‌سینده دانیشان ایچ ایشلر ناظیری افکان آلا، آخیسکا تورکلرینین حاق‌لاری موضوعسوندا لازیم‌لی ایشلری ائتدیک‌لرینی سؤیله‌دی.
10 آیری اؤلکه‌یه داغیلمیش اولا‌راق حیات‌لارینی داوام ائتدیرن آخیسکا تورکلری 4 ایل آرا‌دان سونرا 2-جی آدی کونگره‌لرینده ایستانبولدا تشکیل ائتدی.
آکادئمی و سیاست دونیاسین‌دان 150 نماینده‌نین قاتیلدیغی کونگره‌ده آخیسکا تورکلرینین پروبلم‌لری و حلّ‌لری دانیشیلدی.
تورگیه ایچ ایشلر ناظیری افکان آلا، آخیسکا تورکلرینین حاق‌لاری اوچون گورجوستان ایله دیپلوماتیک ایشلرین داوام ائتدیگینی سؤیله‌دی.
"آخیسکا‌لی تورک‌لرین تورپاق‌لارینا دؤنمه‌لری اوچون الیمیزدن گلنی ائدیریک." دئین ناظیر آلا، موضوعنو اولوسلار آراسی گوندمده توتماق اوچون اؤزل چابا ائتدیک‌لرینی، موضوعنون گورجوستان ایله تورکیه آراسیندا ائدیلن بوتون اوست سویه توپلانتی‌لاردا اله آلینماغا داوام ائده‌جگینی سؤیله‌دی.
افکان آلا، "گؤروشمه‌لرده، گورجوستانین اوروپا شوراسی نزدین‌دکی مسئولیتینی ده خاطیرلادا‌راق، آخیسکا تورکلرینین دؤنوش‌لرینی آسان‌لاش‌دیرا‌جاق پروسه‌سین اؤنون‌دکی بوتون قانونی و اداری مانعه‌لرین قالدیریلماسینی تکرار گوندمه گتیردیک و طلب ائتدیک. بو چرچیوه‌ده بوتون ائدیله‌جک‌لره دستک اولدوغوموزو، تورکیه اولا‌راق بؤلگه‌ده توپ‌لو ایقامتگاه‌لار اینشا ائدیلمه‌سی و استخدام ایمکان‌لاری‌نین آرتیریلماسی خوصوص‌لارینی ایفاده ائتدیک. "دئدی.
