بیر ارمنی عسگری اسیر آلیندی

آذربایجان اوردوسو ایله ارمنی اوردوسو آراسیندا چیخان چاتیشما نتیجه‌سینده بیر ارمنی عسگرینین اسیر آلیندیغی بیلدیریلدی.
آذربایجان ساوونما باخانلیغین‌دان وئریلن آچیقلامایا گؤره، دونن آخشام ساعات‌لاریندا جبهه خطی‌نین آغدام بؤلگه‌سینده آذربایجان موضع‌لرینی گئچمه‌یه چالیشان ارمنی کشف و تخریبات بیرلیگی ایله آذربایجان عسگرلری آراسیندا چاتیشما چیخدی.
قیسا سورن چاتیشما سونراسیندا ارمنی‌لر ایتکی وئره‌رک گئری چئکیلرکن، ارمنی کشف بیرلیگین‌دن آرسن باغداساریان آدلی عسگرین اسیر آلیندیغی آچیقلاندی.
باغداساریان‌ین پروفسیونل عسگر اولدوغو و باغلی اولدوغو بیرلیگین هانسی آماجلا جبهه خطینی گئچمک ایستدیگی‌نین آراشدیریلدیغی ایفاده ائدیلدی.