آمریکادا گۆنلوک ماریجوآنا مصرفی ایچکی مصرفینی گئچدی
گۆنلوک ماریجوآنا مصرفینی بیلدیرمه نیسبتینده ۱۹۹۲دن ۲۰۲۲ ایلینه قدر ایسه ۱۵ قات آرتیش یاشاندی
آمریکا بیرلشمیش دؤولتلرینده، گۆنلوک ماریجوآنا مصرفینین گۆنلوک ایچکی مصرفینی گئریده بوراخدیغی معین اولوندو.
کارنگی ملون بیلیم‌یوردو بونیه‌سینده ائدیله‌ن آراشدیرمادا، اولوسال اویوشدوروجو مصرفی و ساغلیق سورغوسو بیلگیلریندن فایدالانیلاراق، اؤلکه‌ده‌کی گۆنلوک الکل مصرفی ایله ماریجوآنا مصرفی اله آلیندی.
آنکتین ائدیلمه‌یه باشلاندیغی ۱۹۷۹دان ۲۰۲۲ ایلینه قدرکی بیلگیلرین اساس آلیندیغی آراشدیرمایا گؤره، ماریجوآنا مصرفی ۱۹۹۲ده ان آشاغی سویه‌سینی گؤردو.
گۆنلوک ماریجوآنا مصرفینی بیلدیرمه نیسبتینده ۱۹۹۲دن ۲۰۲۲ ایلینه قدر ایسه ۱۵ قات آرتیش یاشاندی.
گۆنلوک الکل مصرف ائد‌نلرین ساییسی، ۱۹۹۲ده ماریجوآنا قوللانانلارین ساییسینین ۱۰ قاتی اولارکه‌ن، ۲۰۲۲ رقملرینه گؤره، اؤلکه‌ده تخمیناً ۱۷،۷ میلیون نفر "هر گون" و یا "هاراداسا هر گون" ماریجوآنا چکدی، ۱۴،۷ میلیون آدام ایسه "هر گون" یا دا "هاراداسا هر گون" ایچکی ایچدی.
بیلگیلرین توتولدوغو ۱۹۷۹دان بو یانا گۆنلوک ماریجوآنا چکنلرین ساییسی ایلک دفعه ۲۰۲۲ده گۆنلوک ایچکی ایچنلرین ساییسینی گئچدی.
آراشدیرما نتیجه‌لری "آدکشین" درگیسینده یاییملاندی.
