آنتی‌دپرسانی بوراخانلاردا یوخسونلوق علامتلری گؤرولور
آنتی‌دپرسان ایستیفاده‌سینی بوراخان هر ۶ نفردن بیرینده باش آغریسی، باش گیجلله‌نمه‌سی، اۆرک بولانماسی و یوخوسونلوق کیمی بعضی سمپتوملار گؤرولدو
آنتی‌دپرسان درمانی ایستیفاده‌سینی بوراخان هر ۶ نفردن بیرینده باش آغریسی و اۆرک بولانماسی کیمی یوخسونلوق علامتلری گؤرولدوگو ایفاده ائدیلدی.
آلمانیانین کولن اونیوئرسیته‌سیندن بیلیم اینسانلاری، داها اؤنجه ائدیله‌ن و قاتیلیمچیلارا آنتی‌دپرسان یا دا پلاسئبو معالیجه‌سی تطبیق اولونان ۷۹ آراشدیرمانی اینجه‌له‌یرک، ۲۰ میندن چوخ اینسانین درمانلاری بوراخدیقدان سونراکی بیلگیلرینی دگرلندیردی.
آراشدیرماچیلار، آنتی‌دپرسان ایستیفاده‌سینی بوراخان هر ۶ نفردن بیرینده باش آغریسی، باش گیجلله‌نمه‌سی، اۆرک بولانماسی و یوخوسونلوق کیمی بعضی سمپتوملار گؤرولدوگونو معین ائتدی.
داها اؤنجه‌کی آراشدیرمالار، آنتی‌دپرسانی بوراخمانین خسته‌لرین یوزده ۵۶سینا تأثیر ائتدیگینه، بونلارین ایسه هاراداسا یاریسینین شدتلی اولاراق تصنیف ائدیلدیگینه ایشاره ائدیردی.
ساغلیق متخصصلری، بو جور درمانلاری بیردن دئییل، آشامالی اولاراق دوز دۆشوررک بوراخماغی تکلیف ائدیر.
آراشدیرمانین نتیجه‌لری لنست سایکایتری درگیسینده یاییملاندی.
