اردوغان، ایدمانچی گنجلرله بیر آرایا گلدی
"دۆنیا تۆتونسوز گۆنو و چئوره هفته‌سی پروگرامی" چرچیوه‌سینده، یورددان و فرقلی اؤلکه‌لردن ایستانبولا گلن گنجلر و ایدمانچیلارلا گؤروشه‌ن اردوغان، قوناقلارین تۆتون و تۆتون محصوللارییلا باغلی دگرلندیرمه‌لرینی دینله‌دی
جمهورباشقانی رجب طیب اردوغان، "کسین توتوموموز نتیجه‌سینده اؤلکه‌میزده سیگار چکمه‌ده آز دا اولسا بیر گئریله‌مه یاشاندیغینی سئوینجله موشاهیده ائدیریک" دئدی.
"دۆنیا تۆتونسوز گۆنو و چئوره هفته‌سی پروگرامی" چرچیوه‌سینده، یورددان و فرقلی اؤلکه‌لردن ایستانبولا گلن گنجلر و ایدمانچیلارلا گؤروشه‌ن اردوغان، قوناقلارین تۆتون و تۆتون محصوللارییلا باغلی دگرلندیرمه‌لرینی دینله‌دی.
اردوغان، بونلاری قید ائتدی:
"دۆنیادا هر گون ۲۰ مین نفر سیگار‌دان قایناقلانان خسته‌لیکلر سببی ایله حیاتینی ایتیریر. اؤلکه‌میزده ایسه هر ایل ۸۵ مین اینسانیمیزی تۆتون جاناوارینا قوربان وئریریک؛ تۆتون یالنیز اینسانی زهرله‌میر، عینی زامان‌دا دۆنیامیزی دا چیرکله‌دیر. دونیادا‌کی اوشاق جمعیتینین تخمیناً یاریسی، تۆتون توۆستوسونون چیرکلتدیگی هاوانی تنفس ائتمک مجبوریتینده قالیر. سیگار تۆستوسو ۴ میندن چوخ توکسیک و کانسروژن ماده احتیوا ائدیر. تۆتون محصوللارینین ایچینده‌کی توکسین و دیگر کانسروژن ماده‌لر هاوایا یاییلاراق، چکن شخصین یاخینینداکیلار اۆچون چیرکلی بیر موحیط میدانا گتیرمکده‌دیر. تۆتون قوللانمادیغی حالدا، تۆتونه معروض قالانلارین، یعنی پاسیف ایچیجیلرین وضعیتی داها پیس، داها دهشتلیدیر. سیگارین بۆتون بو ضررلرینه باخمایاراق توۆتون صنایعی بؤیومه‌یه، هر ایل ۷۰۰ میلیارد دلار قازانج الده ائتمه‌یه داوام ائدیر".
جمهورباشقانی، کسین توتوموموز نتیجه‌سینده، تورکیه‌ده سیگار چکمه‌ده آز دا اولسا بیر گئریله‌مه یاشاندیغینی سئوینجله موشاهیده ائتدیکلرینی ده قید ائتدی.
