اتریشده آغیر یاغیشلار داشقینلارا سبب اولوب
اتریشین گونئییندهکی اشتایرمارک ایالتینده آغیر یاغیش سولارینین داشیدیغی پالچیق و داغینتیلار سببیندن نقلیاتین حرکتینه باغلانیب
2150877
![اتریشده آغیر یاغیشلار داشقینلارا سبب اولوب](http://cdn.trt.net.tr/images/xlarge/rectangle/5281/1c80/a0d8/6666af28e1af7.jpg?time=1722044661)
اؤتن گون یاغان گوجلو یاغیش اتریشین گونئییندهکی اشتایرمارک ایالتینده داشقینلارا سبب اولوب.
ایالتده بؤیوک زیان ووران سئل نتیجهسینده بیر چوخ بینایا زیان دییب.
یانغینسوندورمه گروپلاری ایالتین مرکزی گراتس شهری و اطرافیندا 800 عملیات کئچیریب و ان آزی 50 نفری خیلاص ائدیب.
گراتس یاخینلیغینداکی اتوموبیل یولو یاغیش سولارینین داشیدیغی پالچیق و داغینتیلار سببیندن نقلیاتین حرکتینه باغلانیب.
گوجلو کولک چوخلو آغاجلارین آشماسینا و نقلیاتین دایانماسینا سبب اولوب.
بو گون ایالتده داوام ائدن یاغیشلار سببیندن بؤلگهنین یانغینسوندورمه ادارهلری حاضیرلیق وضعیتینه گتیریلیب.