یمن-ده وبایا یولوخان‌لارین سایی 1 میلیونو اؤتوب

قیزیل خاچ (صلیب سرخ) جمعیتی یمن-ده وبایا یولوخان‌لارین سایی‌نین 1 میلیونو اؤتدوگونو آچیقلادی.

جمعیت اؤلکه‌ده ایچ ساواشا گؤره اها‌لی‌نین 80 فازی‌نین تمیز ایچمه‌لی سو، ارزاق، یانا‌جاق و سهیه خیدمت‌لرین‌دن محروم اولدوغونو بیلدیردی.

دونیا ساغلیق تشکیلاتی دا آوریل آییندا وبا اپیدمی‌سینین باشلاماسین‌دان بری‌دیر 2 مین 219 نفرین حیاتینی ایتیردیگینی آچیقلادی.

بیرلشمیش میللتلر تشکیلاتی دا یمن-ین دونیاداکی ان آغیر اینسان‌لیق بحرانی ایله قارشی-قارشییا اولدوغونو بیلدیردی.

اؤلکه‌ده وبا‌دان باشقا میلیون‌لارلا اینسان ایسه آجلیق تهلوکه‌سی ایله قارشی-قارشییا‌دیر.

بمت ارزاق و تاریم تشکیلاتی (فاو) وئردیگی آچیقلامادا، اورتا دوغودا خصوصیله یمن-ده ارزاق تهلوکه‌سیزلیگی‌نین سرعت‌لی شکیلده آرتدیغینی اعلان ائتدی.

بیرلشمیش میللتلر تشکیلاتی‌نین راپوروندا یمن-ین ارزاق تهلوکه‌سیزلیگی و یئترسیز قیدالانما موضوع سوندا بؤلگه‌ده ان پیس وضعیت‌دکی اؤلکه اولدوغو، یمن‌دن سونرا سوریه و سودان-دا دا عینی شرط‌لرین حؤکم سوردوگو بیلدیریلدی.

عرب دونیاسی نین ان یوخسول اؤلکه‌سی یمن-ده 2015-جی ایلدن بری‌دیر شیعه حوثی میلیس‌لری سنی دؤولت باشقانی عبدربه منصور هادی-یه صادق قوه‌لرله توققوشور.