هر گون قاتیق یئسهنیز...
متخصصلر هر گون قاتیق یئمنی مصلحت بیلیر و بونون آشاغیداکیلارا سبب اولدوغونو سؤیلییرلر.
![هر گون قاتیق یئسهنیز...](http://cdn.trt.net.tr/images/xlarge/rectangle/a6d3/dbb1/d7c7/56b7bcba4eae0.jpg?time=1718830210)
متخصصلر هر گون قاتیق یئمنی مصلحت بیلیر و بونون آشاغیداکیلارا سبب اولدوغونو سؤیلییرلر. هر گون قاتیق یئسهنیز بدنینیزده بعضی دییشیکلیکلر باش وئرهجک:
* چکینیز آزالا بیلر.
قاتیغین ترکیبی پروتئینله زنگین اولدوغونا گؤره او بدنده اولان آرتیق یاغلارین اریمهسینه یاردیم ائدیر. قاتیق اینسانی اوزون مدت توخ توتور، اونون شیرنیه اولان هوسینی آزالدیر و ایشتاهانی آزالدیر. قاتیق متابولیزمی سرعتلندیریر و ان چوخ قاریندا ییغیلمیش یاغلارین اریمهسینه سبب اولور.
* دیشلرینیز ساغلام اولار.
ترکیبینده اولان پروتئین و کلیسوم سایهسینده گوندهلیک قاتیق یئین آدامین دیشلری ساغلام اولور.
* هضم سیستمینیز نومالا دوشور.
قاتیق هضم پروسسینی سرعتلندیرهرک قبیزلیگی آرادان قالدیریر. هر آخشام یاتمازدان اول بیر ایستکان قاتیق ایچمک اینسان اورقانیزمی اوچون چوخ فایدالیدیر. بو باغیرساغین ایشینی سرعتلندیریر.
* شیرنییه اولان هوسینیز آزالار، شکر آشاغی دوشر.
اگر سیز تئز-تئز آجیرسینیزسا و یا دیابت خستلیگینیز وارسا، قاتیق سیزین ان یاخین دوستونوز اولمالیدیر. هر گون قاتیق یئین آداملار آراسیندا آپاریلان آراشدیرمالار قاتیغین قاندا شکری دوشوره بیلمک قابیلیتینه مالیک اولدوغونو ثبوت ائتمیشدیر. بوندان علاوه قاتیق یئمک اینسانین شیرنییه اولان هوسینی ده آزالدیر کی، بو دا کؤکلمهیه میللی آداملارین خئیرینهدیر.
* گؤبلکلره قارشی تأثیر ائدیر.
قاتیق طبیعی بیر گؤبلک درمانیدیر. بئله کی، قاتیق گؤبلک سببلی میدانا گلن معده-باغیرساق خستهلیکلرینین آرادان قالخماسینا سبب اولور.