2050.جی ایلده دونیا جمعیتی
راپوردا 2050.جی ایلده تورکیه اها‌لی‌سی‌نین ساییسی دا آچیقلاندی
بیرلشمیش میلت‌لر تشکیلاتی‌نین اقتصادی و سوسیال ایشلر بؤلومو طرفیندن حاضرلانان دونیا جمعیتی گؤزلنتیسی راپورونون 2015 گونجه‌ل‌لمه‌سی آچیقلاندی.
دونیا اها‌لی‌سی‌نین هله ده 7،3 میلیارد اولدوغو بیلدیریلن راپوردا، بو سایینین 2030.جو ایلده 8،5 میلیاردا، 2050.جی ایلده 9،7 میلیاردا، 2100ده ایسه 11،2 میلیاردا چاتماسی‌نین گؤزلنیلدیگی قید ائدیلدی.
2050.جی ایله قدر بوتون دونیا‌داکی جمعیت آرتیشی‌نین یاری‌سی‌نین هیندیستان، نیجریه، پاکیستان، دموکراتیک کونگو، اتیوپی، تانزانیا، آمریکا، اندونزی و اوگاندا طرفیندن گرچکلشدیریله‌جگینه ایشاره ائدیلن راپوردا، 2022ده هیندیستان اها‌لی‌سی‌نین چینی گئچه‌جیی وورغولاندی.
راپوردا هله ده 78 میلیون 666 مین اولان تورکیه اها‌لی‌سی‌نین، 2030.جو ایلده 87 میلیون 717 مینه، 2050.جی ایلده ایسه 95 میلیون 819 مینه چیخماسی‌نین گؤزلنیلدیگی ایفاده ائدیلدی.
تورکیه اها‌لی‌سی‌نین یوز ایلین سونونا دوغرو آزالماغا باشلایاجاغی‌نین اؤن گؤرولدوگو راپوردا، 2100ده جمعیتین 87 میلیون 983 مینه دوشه‌جیی تخمین ائدیلدی.
