باش دؤنمهسینی جدییه آلین
باش دؤنمهسی اصلینده بیر چوخ خستهلیگی خبر وئرن بیر اویاریجی مکانیزمدیر
267770
متخصصلر، ان سیخ گؤرولن ساغلیق پروبلئملریندن بیری اولان باش دؤنمهسینین جدییه آلینماسی لازیم اولدوغونو وورغولایاراق، بو راحاتسیزلیغین اصلینده بیر چوخ خستهلیگی خبر وئرن بیر اویاریجی مکانیزم اولدوغونو ایفاده ائدیر.
نورولوژی اوزمانی دکتر محمد کاراتاش، طبده باش دؤنمهسی علامتینین؛ ورتیگو (باش دؤنمهسی )، آتاکسی (دنگهسیزلیک)، پره سنکوپ (باییلما حسی) و دیززینس (پسیکوژئنیک باش دؤنمهسی) اولاراق صینیفلاندیریلدیغینی دیله گتیردی.
بئیین خستلیکلریله گلن باش دؤنمهسینین ایسه تهلوکهلی اولابیلهجیینی ایفاده ائدن دکتر کاراتاش، بو خستهلرده تئز تئز هیپرتانسیون، دیابت، کلسترول یوکسکلیگی، اورک خستهلیگی کیمی باشقا دامار خستهلیکلری و کؤکلوک کیمی ریسکلرین اولدوغونو قید ائتدی.