اوسترالیادا کومنولث بانکینا 600 میلیون آمریکا دولاری جزا وئریلهجک
مالی کشفیات آژانسیندان بیلدیریبلر کی، بانکین شوپههلی امانت، ترانسفر و حسابلارین مسئوللارا چاتدیریلماسیندا اوغورسوز اولدوغو قید ائدیلیب
اوسترالیادا کومنولث بانکینا (CBA)، 53 مین شوپههلی عملیاتی مسئوللارا بیلدیرمدیگی سببیله 600 میلیون آمریکا دولاری جزا وئریلهجک
مالی کشفیات آژانسیندان (AUSTRAC) بیلدیریبلر کی، بانکین شوپههلی امانت، ترانسفر و حسابلارین مسئوللارا چاتدیریلماسیندا اوغورسوز اولدوغو قید ائدیلیب.
آچیقلامادا، کومنولث بانکینین پول یوماغین و تروریزمه مالی دستگین قارشیسینین آلینماسینی اؤن گؤرن قانونلارلا باغلی سهولرینی قبول ائتمهسی ایله آچیلان داعوانین نتیجهسینده تخمینن 600 میلیون آمریکا دولاری پول جریمهسی اؤدیهجگی بیلدیریلیب.
مالی کشفیات آژانسین حاضیرلادیغی راپورون محکمه طرفیندن تصدیق اولونماسی ایله جزا رسمیلشهجک.
اؤلکهنین ان بؤیوک بانکی اولان کومنولث بانکی، 2012-2015 ایللری آراسیندا ائدیلن 53 مین شوپههلی عملیاتی مسئوللارا بیلدیرممکله گوناهلاندیریر.
بو جزانین آوسترالیا تاریخینده بیر قوروما وئریلمیش ان بؤیوک جزا اولاجاغی بیلدیریلیر.