آمریکا مرکز بانکی سیاست فایزینی ائندیردی

آمریکا مرکز بانکی سون 4 ایل یاریم‌دان سونرا ایلک دفعه سیاست فایزینی ائندیردی.

آمریکا مرکز بانکیندان وئریلن آچیقلامادا، انفلاسیون و ریسک تارازلیقلارین‌دا الده ائدیلن ایرلیلییشلر فونون‌دا آمریکا مرکز بانکی "فوند" فایز درجه‌سی اوچون هدف آرالیغینین 50 امتیاز آزالدیلاراق یوزده 4.75-5.00 آرالیغینا سالینماسینا قرار وئریلدیگی بیلدیریلیب.

تورم آزالماسی داوام ائدرسه، فایز ائندیریملرینین داوام ائده‌جگی گؤزلنیلیر.

آمریکا مرکزی بانکی سونونجو دفعه 2020-جی ایلین مارت آیین‌دا یئنی نؤوع کورونا ویروس (کووید-19) اپیدئمیسینین ایقتیصادی تأثیرلری ایله باغلی ناراحات‌لیقلار سببین‌دن سیاست فایز درجه‌سینی 0-0.25 فایز آرالیغینا ائندیریب و مالی گئنیشمه حیاتا کئچیریب.

2021-جی ایلده آمریکادا انفلاسیونون سون 40 ایلین ان یوکسک سوییه‌سینه چاتدیغی زامان فایز درجه‌لری آرتماغا باشلادی.

آمریکا مرکز بانکی‌نین سیاست فایزی سون 23 ایلین ان یوکسک سوییه‌سی اولان 5.25-5.50 آرالیغینا یوکسلیب.

سونونجو دفعه 2023-جو ایلین ایول آیین‌دا سیاست فایزینی 25 امتیاز آرتیران آمریکا مرکزی بانکی، آردیجیل 8 ایجلاس‌دا فایز درجه‌سینی دگیشممیش و جاری آرالیقدا ثابت ساخلامیش‌دیر.