تورک اقتصادی یوزده ۲،۷ بؤیویه‌جک
۲۰۲۴ده قلوبال اقتصادی بؤیومه‌نین یوزده ۲،۹آ گئریله‌یه‌جگی نظرده توتولدو
تورک اقتصادینین ۲۰۲۴ده یوزده ۲،۷ بؤیویه‌جگی، قلوبال اقتصادی بؤیومه‌نین ایسه یوزده ۲،۹آ گئریله‌یه‌جگی نظرده توتولدو.
بین الخالق مالیه اینستیتوسو، قلوبال گؤرونوش راپورونو نومایش ائتدی.
راپور‌دا، اورتا شرقده‌کی چاتیشمالار و آمریکا بیرلشمیش دؤولتلری-چین علاقه‌لری ده داخیل اولماق اوزره، ژئوپولیتیک گرگینلیکلرین یوکسک قالماغا داوام ائتدیگی ایفاده ائدیلدی.
نوامبر آیینداکی آمریکا باشقانلیق سئچکیلرینین قلوبال اؤلچکده ایلین ان اهمیتلی سیاسی حادثه‌سی اولاراق اؤنه چیخدیغی ایفاده ائدیله‌ن راپور‌دا، آمریکا‌داکی سئچکیلرین قلوبال اقتصاد و تیجارت سیاستلرینه اهمیتلی اؤلچوده تأثیر ائده بیله‌جگی وورغولاندی.
قلوبال اقتصادی فعالیتین یاواشلاماسینین گؤزله‌نیلدیگینه ایشاره ائدیله‌ن راپور‌دا، قلوبال اقتصادی بؤیومه‌نین آمریکا و چین کیمی اهمیتلی اقتصادلارداکی ضعیف پرفورمانس سببی ایله ۲۰۲۳ده‌کی یوزده ۳،۱ سویه‌سیندن ۲۰۲۴ده و ۲۰۲۵ده یوزده ۲،۹آ گئریله‌یه‌جگینین نظرده توتولدوغو معلوماتی وئریلدی.
راپور‌دا، یورو بؤلگه‌سینین اقتصادی گؤرونوشونون ده چتین اولماغا داوام ائتدیگینه ایشاره ائدیله‌رک، بؤلگه اقتصادینین اقتصادی بؤیومه سرعتینین گئچه‌ن ایله بنزر شکیلده یوزده ۰،۵ اطرافیندا آشاغی قالماسینین گؤزله‌نیلدیگی قئید ائدیلدی.
راپور‌دا، ۲۰۲۵-جی ایله باغلی اقتصادی گؤرونوشون ایسه ژئوپولیتیک ثابتلیگه و تکنولوژیک ایر‌لیله‌مه‌یه باغلی اولدوغو قئید ائدیلدی.
