شیمشک آلمان‌دا بؤیوک شیرکتلرین مودورلری ایله گؤروشدو
تورکیه خزینه و مالیه ناظیری، سپتامبرین ۱۹-دا باشلایان ذیروه‌نین ایکینجی گونونده تورکیه اوچون تشکیل ائدیلن خوصوصی ایجلاسا قاتیلیب
تورکیه خزینه و مالیه ناظیری محمد شیمشک، آلمان‌دا گئچیریلن ذیروه‌ده بو اؤلکه‌نین ان بؤیوک شیرکتلرینین مودورلری ایله گؤروشوب.
ناظیرلیکدن آلینان بیلگیلره گؤره، شیمشک آلمان‌ین باواریا ایالتینین الماو قصبه‌سینده اؤلکه‌نین قاباقجیل بئیین مرکزلرین‌دن بیری اولان استرن استوارت اینستیتوسونون ۲۰۲۴-جو ایل ذیروه توپلانتیسینا قاتیلیب.
ذیروه، آلمان‌ین ۵۰-دن چوخ ان بؤیوک و کؤکلو شیرکتینین یؤنتیجیلرینی و مالیه بؤلوملرینین باشقانلارینی، ائله‌جه‌ده اؤز ساحه‌لرینده آپاریجی آکادمیسینلرینی بیر آرایا گتیردی.
شیمشک سپتامبرین ۱۹-دا باشلایان ذیروه‌نین ایکینجی گونونده تورکیه اوچون تشکیل ائدیلن خوصوصی ایجلاسا قاتیلیب.
بو ایجلاسدا تورکیه‌ده سرمایه‌لری اولان و یا سرمایه‌گذاری ائتمه‌یی دوشونن شیرکتلر ایشتیراک ائدیردی.
شیمشک تورکیه اوچون تشکیل ائدیلن باشقا بیر ایجلاسدا سرمایه‌گذارلار ایله گؤروشه‌رک سواللاری جاوابلاندیریب.
بو گؤروشلر مطبوعاتا قاپالی گئچیریلیب.
شیمشک دونن آخشام اؤلکه‌یه قاییدیب.
