باکی-تیفلیس-قارس دمیریولونون تورکیه طرفی بیتیر
"چین‌دن آوروپایا چوخ جدی بیر یوک حرکتی وار. بیز بو یوک حرکتی‌نین تورکیه اوزرین‌دن ائدیلمه‌سینی و اؤلکه‌نین بون‌دان یئترلی پایی آلابیلمه‌سینی آماجلاییریق"
اولاشدیرما، دنیزچی‌لیک و خبرلشمه باخانی احمد آرسلان، باکی-تیفلیس-قارس دمیریولونون بو آی سونوندا تورکیه طرفی‌نین تاماملانمیش اولاجاغینی بیلدیردی.
احمد آرسلان، باکی-تیفلیس-قارس دمیر یولو پروژه‌سینه باغلی ایشلری یئرینده گؤرمک مقصدیله دونن قارسا گئتدی.
پروژه‌نین یالنیز تورکیه اوچون دئییل دونیا اوچون چوخ اؤنمینه ایشاره ائدن آرسلان،
"بو خط یالنیز تورکیه اوچون دئییل گورجوستان، آذربایجان، قازاقیستان، تورکمنیستان، چین داخیل اورتا آسیا باخیمین‌دان اؤنم‌لی. عینی شکیلده آوروپا ایله یوک حرکتینی کسینتیسیز حالا گتیره‌جک اولماسی سببیله آوروپا اوچون ده عینی درجه اهمیته صاحب" ایفاده‌لرینه وورغو ائتدی.
دمیریولو پروژه‌سینده چوخ جدی بیر ایش و امک اولدوغونا دقت چکن آرسلان،
"بو آیین سونو اعتباریله تورکیه طرفی تاماملانمیش اولا‌جاق. بو ریل‌لرده قاتار چالیشابیله‌جک حالا گله‌جک. سپتامبر آیی باشی اعتباریله گورجوستان طرفی ده بیتدیگینده بو دمیریولونو کسینتیسیز ایستیفاده ائده‌بیلر حالا گتیره‌جییک. پروژه‌نین 79 کیلومتری تورکیه، 26 کیلومتری ده گورجوستان طرفینده‌دیر" دئدی.
پروژه‌ده‌کی تک خطی ایشلتمه‌یه آچدیق‌لاریندا ایکینجی خطین ده یاپیمی‌نین پلان‌لی شکیلده داوام ائدجیینی ایفاده ائدن آرسلان،
"چین‌دن آوروپایا چوخ جدی بیر یوک حرکتی وار. بیز بو یوک حرکتی‌نین تورکیه اوزرین‌دن ائدیلمه‌سینی و اؤلکه‌نین بون‌دان یئترلی پایی آلابیلمه‌سینی آماجلاییریق" دئدی.
ایلگیلی‌لی خبرلر
تورک اقتصادی یوزده ۲،۷ بؤیویه‌جک
۲۰۲۴ده قلوبال اقتصادی بؤیومه‌نین یوزده ۲،۹آ گئریله‌یه‌جگی نظرده توتولدو
