اردوغان:" روسیایا صادرات تورک لیره سی اوزریندن اولسون"

جمهور باشقانی رجب طیب اردوغان روسیایا صادراتین تورک لیره‌سی ایله اولماسی‌نین واجیب‌لیگینی سویله‌دی.

جمهور باشقان‌لیغی ایقامتگاهیندا کئچیریلن تدبیرده چیخیش ائدن اردوغان روسیا پرزیدنتی ولادیمیر پوتین ایله صادرات مسئله‌سینی دانیشدیق‌لارینی بیلدیردی.  جمهور باشقانی دئدی کی، روسیا پرزیدنتی پوتین ایله میوه- سبزه دن دانیشدیق. روسیایا ساتماق ایستییریک. بو اؤلکه ایله همین ساحه‌ده علاقه‌لریمیز گوجلندیریب، صادراتیمیزی آرتیرمالیییق. اونلار دا بیزدن آلا‌جاق‌لارینی تورکیه‌نین پول واحیدی لیره ایله آلسین‌لار. بئله‌لیکله ارز مزننه‌سی‌نین فشاریندان خلاص اولا بیلریک.